Ab 13.01.2022
Mien Mann de fohrt to See

De Kröger Brammer mutt in‘t Kaschott. He hett sick schüllig maakt mit Zigarettensmuggel un mutt nu een Straf afsitten. Sien Fru Mary un he mütt aber bannig oppassen, dat se eer Ansehen nicht verleert. Dorüm dörf düsse Nahricht op keenen Fall ünner de Lüüd. Kort entslaaten vertellt Mary de Gäst in den Krog un ok de unbeleevte Verwandschop, dat Brammer wedder as Smutje anhüert hett un op See is. De lütte Swinnelee schient meist waterdicht to sien, man denn kümmt dat to een‘ Twüschenfall, den nüms vöhersehen hett: Utgereekend dat Schipp, op dat Brammer anhüert hebben schall, kümmt in Seenot un kentert – keen Överlevende an Bord! Woans, üm allens in de Welt, kümmt Mary ut düssen Schlamassel wedder rut?
Nu, wo ok noch de gierige Verwandschop biddere Krokodilstraanen weent un denn forts de Arvschaft ünner sick opdeelen will? To‘n Glück find sick een,
to Anfang as wertlos ansehenet, Wertpapeer un een Kumpel, de mit Brammer in den Knast seet, as grote Hölp.
Mit düssen Komödien-Klassiker, de 1977 to‘n ersten Mal bi de NBN inszeniert worrn is, maakt unsere Bühne den Optakt in uns 100-jähriget Bestahn. Ut Traditschon begaht wi den Utklang vun dat afloopen Johr mit de Silvester-Premiere in dat Theater in de Stadthall.